هل البنت اللي تقول اسمها مو زينة ؟!

السلام عليكم ...
مرة من المرات كنت جالس مع ربعي ..
و كان فيه واحد يسال الثاني ليه اببوك عطاك هالاسم ؟
<< سؤال غريب شوي ..
فرد عليه صديقي قاله لان ابوي يبي يخلي اسمائنا كلها تنتهي
بحرف اللام ! , فقال له الثاني و ايش اسماء خواتك ؟
بكل بساطة و قدام الكل قاله اسماء خواتي
منال و ابتهال و هديل ..الخ ..

و فيه بعضهم لو تساله هالسؤال , يعني مو من باب التطفل
لكن فيه سبب مثل اللي سأل السؤال اللي فوق , رح يردون عليك
انت ما تستحي على وجهك و انت ...الخ ..

بمعنى وااااااضح :

ياااااا اختي تراك عووووووورة ! و لو الناس عرفوا اسمك
بتصيرين وسخة !! ...

و الله بديت استغرب من هذي العادة ...
طبعا ما اقول ان الكل لازم يقول الأسماء , لكن اذا فيه
سبب عادي قول ! .. و بالنسبة لي مع ربعي ..
كللللنا نعرف اسماء امهات بعض , و خوات بعض
و هذا حنا عااااااادي جدا جدا ..
و اللي يعتقد ان البنت اللي تقول اسمها وسخة فالافضل يسحب
كلمته لانه يقصد ..

عائشة زوجة الرسول قالت اسمها يعني انها وسخة - حاشاها -
و نفس الشي زوجات الصحابيات و باقي زوجات الرسول
و مريم بنت عمران ام عيسى , و و و الخ .. من الاسماء اللي
افضل مني و منك ...

ياااااا اختي تراك عووووووورة ! و لو الناس عرفوا اسمك
بتصيرين وسخة !! ...
هههههههههههههه والله العباره ضحكتني اول مره اسمعها

شوف خيوو لاتجرح المفروض ان الواحد مايقول اسامي خواته عند كل من هب ودب
يعني إذا فيه سبب مثل ماقلت وموتطفل اكيد انه عادي وموحرام لأنو مثل ماقلت عن عائشه
رضي الله عنها لاكن إذا كل واحد بيسألك عن أهلك بتشكلها الأسامي من غير سبب
احس انه ماله داعي يعني وش دخله

وسلامتكم

يعطيك العافيه لاتجرح ع الموضوع الختييير

بالفعل موضوعك روعــه وانا اشوف واجد كذا ..
بسسس مو عارفه ايش السبب حتى البزارين الحين
الي يبغي يعاير الثاني يقول له اسم امك كذا ولا اختك ..
ليه الحين صار امه واخته عار عليه ..
مو عيب ولا غلط اولاحد يقول اسمه لكن الغلط والعيب ان الواحد يستعار من اهله..
موضوعك روووعـه..
وجا بوقت .. توهـ ولد خالتي (( بالابتدائي)) يكلم صديقه ويهدده اذا علمت بأسم امي بعلم بأسم امك..
قصصصصصصصصصصصصصصم قهر .. ليه متربي هذا الشي حتى بقلوب الصغار ..
يعطيك الف عافيه

بالنسبه لي عادي ماعندي مشكله اقول اسم امي او خواتي هالشي مو عيب ولا حرام

بس يمكن عند الناس اللي عقولهم مو متفتحه حرام وعيب وهذا غلط

يعطيك الف عافيه على الموضوع الرائع

لاهنت

الصراحه معهم حق أخواننا لو رفضوا يقولون أسمائنا بس موقصدهم انه عيب ولو أحد عرف اسمي بصير وسخه عادي بس على قولة تكفيني الذكرى مو يقول اسم اخته عند كل من هب ودب
وبعدين ياراكان لو جاك واحد من الشارع وقال وش اسم اختك بتقول له اسمها اكيد لا
أجل انت كذا عقلك مو متفتح
هو موعيب وعلى حسب السبب يعني لاصار واحد ملقوف يبي الاسم وبس مو لازم يقول له وأنا الصراحه لاسألني أحد عن اسمي أقول لهم الأسم خطأ وأتوقع انه عادي عند اخواني يقولون اسمي أنا في المستشفى ينادون اسمي قدام خلق الله ماقال لهم أخوي لاتقولون اسمها بالعكس جاي عندي وهو مبتسم يعني شي عادي
وبعدين البنت سمعه ولازم تحافظ على سمعتها علشان كذا مو لازم يتردد اسمها على اللي يسوى واللي مايسوى

مشكوور بندر ع الموضوع الهادف ,,

مااتوقع في ناس الى الحين عندها هذي العادة القديمة او المتخلفة

بالعكس احس انو جداا عادي اسم واذا عرفو اسم اختك ولا امك

قامت القيامة ,,

بس هو في مشكلة بعض الشباب يخون الثقة واذا عرف اسم اختك او قريبتك دبر جوالها او اميلها

ويراسلها باسمها كاانو فيه علاقة بينهم والمصيبة الكبرى اذا عرف التفاصيل يعني وين تدرس و..

طبعا هذا معناه خوف وقلق للبنت واخوانها وش موقفهم يعني الموضوع كبير ومتشعب

ع حسب الشاب اللي قدامك ,,

اولا واخيرا الاسم جدا طبيعي ومن غير الطبيعي اخفاءة الا لظروف خاصة

موضوع رائع لروعة صاحبة

شكرا بندر ع الطررررررررررررررررررررح

بصراحه انا من الي اشوووفه انه شئ عادي

اخواني ابدااااااااا مايتحون من دكر اسامينا بس مو معناه انه يمشي ويقول اختي فلانه فلانه اختي

لا ادا صار موقف او نقاش نفس الي دار بين انت واصدقائك يمكن بس حتى مو اي صديق الا يكون صديق ثقه

واتوووقع الصديق الثقه ماتعرفه الا بالعشرة والصديق ادا كانت بينك وبينه عشرة طويله طبيعي بيعرف اسم امك واختك

شكرا بندر لاهنت