مواقف محرجه لبعض البنات في شهر العسل !!!

بسم الله الرحمن الرحيم

السلام عليكم ورحمة الله وبركاته

أولاً
تقول الأخت زياراتها للمطاعم مع أهلها كانت قليله
المهم أول أيام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك أبغى منيو
بس تكفى لايحط فلفل
زوجها تسدح من الضحك وهي تقول أحسبها وجبه أو طبق معين
==========================

ثانياً
في وحده شعرها دايم يحتاجله سشوار مهو بناعم المهم السشوار أخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وأنسدحت وهاتك يا كوي بهالشعر
وبرضه زوجها سوالها صادوه يوم دخل وأختنا في الله تكوي منسجمه
الرجال أنهبل على باله تزوج وحده ماهي صاحيه
===========================

ثالثا
وهذا موقف لوحده بشهر العسل تقول كنت مسافره خارج السعوديه وأشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وأنا أحاول أصيد الزيتونه بالشوكه
مير تطير الزيتونه وتصقع وجه الجرسون وهو يأخذ الطلبات
قام قال عنا في لبنان ناكل الزيتون بايدنا
عاد مير ما أسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
===========================

رابعا
وحده تقول أنا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم وأخذت المنيو وقعدت أناظر الكلام كله إنجليزي وأنا ما أعرف ولا حرف بالإنجليزي
تقول هو أختار والجرسون واقف عند راسي يحتريني أختار قالي زوجي تبين أساعدك بالإختيار
قلت ليش طايحه من عينك أنا أعرف أختار المهم تقول أخترت طلب محطوط في إطار وحركات
قلت أكيد هذا شي حلو وقلت أبي هذا قال زوجي متاكده قلت إيه أصلا من زمان أطلبه لما كنت أطلع مع أهلي
تقول قالها طيب أبشري وهو يضحك ويوم جابوا الطلب هو مكرونه وحركات وأنا وجبة أطفال !!============================

خامسا
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها أمزحي مع
زوجك أمزحي والعـبي وأضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه أمزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون أمزحي معه وهذي آخرتها ==============================

سادسا
بقولكم اليوم عن وحده أعرفها أول أيام زواجها تقول كنا طالعين وأحتجت الحمام مرررررررررره بس مستحيه أقوله وهو شكله
ماعنده نيه يروح لمكان فيه حمامات المهم تقول عجزت أتحمل وجلست أفكر باسلوب حلو ما يخرب برستيجي عنده قلت خلاص بقوله
أبغى دورة المياه أحسن من كلمة الحمام
تقول وأنا ميته من الفشله قلت أبغى أروح لدورة الحمام مادريت الا الرجال يضحك ويقول يا عيني على الإتيكيت=============================

سابعا
هذي وحده تقول أول ما تزوجت كنت أدرس وكان يوديني زوجي للجامعه ويأخذني
المهم أنا جالسه أنتظره وكنت واقفه في الشارع وأشوفه بعد كم سياره المهم جلست أستـناه
يوم وصل عندي وأنا أمشي بغنج الا وأطيح ذيك الطيحه طراااااااااااااااااااااخ
جلست على الأرض ما يشوف الا راسي من عند شباكي جالسه أناظره ولا أتحرك
وكان الشارع مليان رجاجيل وبنات
وأركب في السياره وهو ميت من الضحك وأجلس أصيح قلت ما تعرف تسمي علي==============================

وأخيراً
هذا الموقف قرأته بمجله وحدة تقول أول ما تزوجت طحت عند باب المطبخ وأنهبل زوجي وبسم الله عليك سلامتك حياتي وبعد
مرور سنة طاحت بنفس المكان قالها عمى ما تشوفين.ههههههههههههههه

أتمنى تكون عجبتكم

منقول

هههههههههههههههههههههههههههههههههههههههههه

هههههههههههههههههههههههههههههههههههههههههه
هههههههههههههههههههههههههههههههههههههههههه
والله من جد شي مضحك
ان شاءالله مااطيح بهيك مواقف ولا انتي ان شاء الله
ههههههههههههههههههههههههههههههههه
بس جد كل وحده تحرج اكثر من الثانيه
انا صراحه دايم نصيحتي للبنات لايسوون نفسهم فاهمين لانها تنقلب عليهم
مشكوره خيتو ماننحرم من هيك مواضيع

يسلمووو يأحلى قموره ع المرور

نورتي الصفحه