مغرور .... و ....عنيد

مشكله لاصرت مـن تهـواه مغـرور وعنيـد
لـو تحـاول تقنعـه والله صعـبٍ تقنـعـه
دايـمٍ متغطـرسٍ منّغـر وإحساسـه بلـيـد
وإن بغى يفتـن يحـرك للمصايـب زوبعـه
فنان في طرق الهوى دكتور في قطع الوريـد
خبير في رسم الخدع حريـف لبـس الأقنعـه
ماتعجبه الّحان رابح صقر والاطـرش فريـد
كـل الأغانـي مايبيهـا لـو تجيـه منوعـه
ماينبسط الا علـى نوحـي ونغمـات النهيـد
يرقص على لحن الحنين وفيه يطرب مسمعـه
دايم يعاندني ولا أدري من عناده ويش يريـد
كـل يـوم يمـر أنـا ويـاه حـده وأقرعـه
إن قلت له هذا قديم يقـول لـي هـذا جديـد
وإن قلت له هذا شماغ يقـول هـاذي قبعـه
وإن قلت له هذا ذهب يقول لـي هـذا حديـد
وإن قلت ذا راس الضبي يقول هاذي اصبعـه
كـل مـا زود عنـاده حبـه بقلبـي يـزيـد
بس مادري ويش أسوي له على شان أردعه
قلـت أنـا بهـدده بفراقنـا وأبقـى بعـيـد
يمكن اني من ورى التهديـد أحصـل منفعـه
قال قبل إنـك تهددنـي تـرى فرقـاك عيـد
كم شجيع قد نـوى قبلـك وضيـع مرجعـه
قلت أنا بشب نـاري يمكـن يـذوب الجليـد
بقـدح زنـادن وبالقـوه بحطـه وارفـعـه
قـال ريّـح لا تشـب النـار وتزيـد وتعيـد
خلك على حبل الرجى من قبل لا اقوم اقطعـه
وأصبحت أنا محتار بين القلب والعقل الرشيد
عقلي يقـول أنسـاه ولاّ القلـب ردد اتبعـه
والنهايه يوم صار الفكر مـن عقلـي شريـد
والقلب دمي فـي عروقـي حالـفٍ مايدفعـه
طاوعت أنا قلبي وصرت أمشي معه مثل العبيد
وأنا اشهد انه طوعني وأنا عجـزت اطوّعـه

إن قلت له هذا قديم يقـول لـي هـذا جديـد
وإن قلت له هذا شماغ يقـول هـاذي قبعـه

ابدااع قصيدة متميزة بمعنى الكلمة

تسلمين يالغاالية

وربي لايحرمنا منك

صــح لسانك .... ولســان الشاعر

قصيدة رائعة

روووووووعه

تسلـــــــــم يمنــــــــاك يالغاليـــــه
لاتحرمينـــا من طرحـــــك المميــــز يالغــــــلا

alooshah

Rakan
تكفيني الذكرى
شكراً على مروركم اللي زي النسمه
لاخلا ولاعدم

روعه قمووووووووووووورة فديتك

تسلمين ع القصيده الرحلوة لاخلا ولاعدم