&& فـشيـــــلـه حـــــــــد الـثمــــــــــــــــالــــــــــــــه &&

ماشاء الله تبارك الله يابو نواس وش هالاستراحه اللي اخترتها ذووق وكبيره تفتح النفس الخايسه هذي اللي وعدتنا بها

يالله يالربع طحينيه فز يالذيب وجب القهوه ومعاميله

وانت يافالك شب على الشاهي تراهم يمدحون شاهيك جعلي ماابتسيك

بايعها وينك لي ساعه اناديك بح صوتي وين العود اطربنا يابعدي

مفوهه ياخلفهم وين بسطتس تعالي نبي نشوف احدث الماركات اللي عندتس

لعيونك جب المبخره معي دهن عود يحبه خشمك براندي تعالي بقولتس سر وزي اللي قلت لتس عنه في دولاب المطبخ اذا راحوا الربع مخمخنا عليه

احوووبكم يا اهل الفزعه يامال العافيه يارب ايه وش بقولكم ياحيي

بقولكم مواقف صارت معي يمكن تضحتسون ويمكن تتحمدون ربكم على نعمة العقل

((في المستشفــــــــــــــــــــــــى ))

هالموقف العام صار لي كنت بزور اخوي فوفو في مستشفى العسكري كان مسوي حادث وكان مره تعبان

كان وقتها علي اختبارات كل اهلي سلموا عليه الا انا لان اكون لما يروحون نايمه المهم جاء يوم

قلت والله لاروح اسلم عليه لازم اشوف اوخيي ودقت على اخوي عزوزي

قلت تعال ودني بروح اسلم على قال خلي السوق قلت مايدل ولا معي احد بيروح جاء وخذني وكان لابس كت وشورت
لانه كان يلعب كوره يوم دخلنا قال ممنوع يااخوي هالزي اللي انت لابسه عاد انا شطحة السالفه

قلت وين غرفه رقم **** وصف لي المكان وقلت لعزوز خلاص انتظرني في السياره بسلم عليه

وانزل ماراح اطول المهم رقيت وشفته سلمت عليه وقطع قلبي بحاله وكنت اسولف معه واسأله كيف صار الحادث

ومن كان معه المهم كنت مره متاثره بس اكابر ولا ابين له حزني وكل كلمه والثانيه اقوله ياعمري ياعمري

المهم دق عزوز قال يالله بسرعه انزلي قلت طيب وسلمت على اخوي وحبيت راسه ماامداني اصكر

الستاره عليه الا ودموعي تصبصب اربع اربع طبعا كان جنبه شايب بينهم ستاره تفصلهم

المهم اناا طلعت ولازم امر من عند الشايب لانهم بغرفه وحده المهم كان قدام سرير هالشايب كنبه وكان جالس

عليها رجال الظاهر انه ولده وكان حاط يده على راسه شكله ضايق صدره وانا اجيكم مدرعمه

مااشوف الدرب من الدموع واوطي رجل الرجال انا حسيت بمطبه واتمقل زين الا والقي

رجل الرجال راحت فيها وانا لا شعوري قلت ياعمري اسفه هو طارت عيونه

وش ذي اللي تقول ياعمري انا ماعاد ادري اصيح على موقف اخوي والا اللي وطيت رجله والا قايله

له ياعمري (التماااس في المشاعر )المهم حطيت رجلي مع الاصانصير الا ويلحقني الرجال

انا قمت اتنافض وش يبي ذا يلاحقني من الروعه نزلت اخررر دور

واطلع الا وش هالمكان الغريب اذكر ماجيت من هنا ويطلع لي سكيورتي ويبتسم في وجهي

ويقول انت وش جابك هنا قلت ابي اطلع قال كم تعطيني واعلمك <----- ينكت ويا جبهته اللي تسنه مدراج ملعب

قال ثاني مره لا تضغطين الا رقم واحد قلت شكرأ واطلع ماصدقت يوم لقيت سيارتنا

قال اخوي هااه انبسطي يوم شفتي فهد قلت الحمدلله

<---وفي نفسي والله لو تدري وش صار لي تفصل رقبتي عن جسمي ,,

(( في المجلــــــــس التسبير ))

تتيرااا تتيرراات تاررراااررر اللي بتأصر التنوره واللي بتأصر التنوره تلحقها عيون الشباب

هييييييييييييييييييييييييييييييييييه (وجه واحدن لابسن عمامه وشنبه مكنسه تسنه واحد من باب الحاره )

وهي بحالها مغروره وهي بحالها مغروره <<<<<يالبيه يافارس كرم عليك اغاني انما ايه

كانت هذي نغمة جوال ترن في وسط المجلس التسبيييييير وكان متروس ترس حريم اشكال والوان المتدينات

و الداعيات والعجايز المتصفطات وماننسى الزينات <<احم احم

الا ويرن جوال الجليلة الحياء بنت اخوي حاذفتن شنطها وجوالها في الجهه الثانيه و مشخصتن جنبي

هي وحواجبها اللي تسنه صلصال من رن الجوال وانا على طول عرفت انه جوالها

انا حمر وجهي وهي قامت تبلع ريقها من الخوف والحريم اللي تتلاقطت عيونهم مرتن يمين ومرتن يسار

يبون بس يقفطون صاحبته عاد لو استلموها هات يانصايح ولااااااااااااه بعد شوفو كلمات الاغنيه

تقصررر تنوره بتلاحقها عيوون الشباب والله كملت الجريمه عاد تسانت في وحده من قرايبن مانعايرها

الا الطرمه لان قبلها ساكته حتى لو كانت مظلومه تسكت المهم كانت الشنطه جنبها وتلفتوا الحريم

يناظرونها عااااااااااد سبحان الله بقدرت قادر نطقت هذاك اليوم <<<<<<<والله من قوة الجريمه

تدرون وش قالت

قربوا

قالت :لالالا موب شنطتي وقسم هذي شنطة ريمــا

المهم الحريم تناظروا وانا جنبها ياخزيااااااااااااه يعني اللتمستني الشبهه معها وكانت وحده مدينه جالستن

جنبها قامت تنصحها جزاها الله خير عاد قالت ريما اخوي اللي حطها لي <<<<<<ابو التسذب بعد

ماتعوق معها المخارج على عمتها ذيبه عاد يوم طلعنا نتعشي قلت قصم لو اشوفتس جالستن جنبي

عطيتس تسف يعدل منابت شعرتس <<<<<<<ايه ايه يالقويه

((في المســــــــــــــجد <<<كم قطتس ))

مرتن من المراريت جاني عزوزي اخوي من المسجد وقال ان فيه شايب شخصيه له هيبه الكل يقمط منه

وقبله يرمي النعال في اخر الشارع يقولي عزوز كم مره ضربت مشوار اجيب نعالي من اخر الشارع

قلت والله مسيكين من كثر مايتكرفس منها قال خل ارميها واربيكم <<<<<<<<يالبي قلبه

المهم ان هالشايب يصلي بجنب عزوزي وصديقه يوم سلموا من الصلاهالا ويرن نغمة جوال خوي عزوز ((انواع الدسكو ))

مشخص باغنيه غربيه ولااااء خوال يعني هات ياتنتيف وسب والفاظ رديئه توه بحط رجله

الا ويمسكه الشايب مع ثوبه نتفه وشرشح مندوبه بالهوااااش خلاه عظه وعبره للي يسووى واللي مايسوى

عاد عزوز قاله احمد ربك مايعرف انجليزي والا بتلقى عصاه محفوره في راسك

(( فــــــي السوووق ))

وبرضوا مرتن من المراريت نشبت في مامي الا ابي هالبلوزه شفتها من برى وخقيييييييييييت الا اشتريها

قالت الوالده بعدين تاخرنا ورانا مشوار وانا راسي ناشف ابيها يعني ابيها

المهم قالت عجلي علي خذها واطلعي يانكبه واجيكم وصافطه الطبلون بدخل انا عى بالي باب المحل مفتوح

مادريت الا بووووووووووووووووووووووووووم ذيك الصقعه الا رجعتني ورى مترين

وهز القزاز واتمقل زين لقيت الباب مصكوك ومن النظافه الزايده والتلميع ما انتبهت له واسمع ضحك الناس

والوالده تسمي علي وفيها الضحتسه وراعي المحل شكله قمط وفي ذاته يقول

عسى بس ما كسرتي باب محلي

%%مايستفــــــــــــــــــاد %%

**انتبه تكتم بتسوبك لانها توهقق ويمكن موب توطي رجيلين خلق الله وبص
يمكن توطي نفسك

** اي جوال يرن سواء في مكان عام او مجلس او غيره على طول اناظر صاحبته

لان من نغمتها يدل على شخصيتها ان كانت محترمه او مدينه او داجتن ماتدري وين هي فيه من حال

احتمال يكون يسمع اغاني بس فيه ذرة خير ويحترم اللي حوله ويمكن يتاثر فيهم مع الوقت

لازم ننتبه لانفسنا حتى في ابسط الامور يعني وبعدين لو حطيت نغمة موسيقا فرحان او تسميه تحضر او فشخره

لا يابعدي غلطان ونص <<<<<<<<<واضح انها تحمست

<<<<<<<<<<<ترى ابليس يلعب عليها احيانا ويخلي نغمتها موسيقى

**لاتعااااااااااااااااند امك ولا ابوك لانها تؤدي الي فشلاااااااااات كبيرره وتكسير بيبان المحلات

** ترى ماعندي سالفه

واسدحوا لنا مواقفكم المضحكه المؤديه الى الفشيله وخلونا نضحتس

تحيه معطره بالفل ’’

رجيتك لاتخليني ’’’

خخخخخخخخخخخخخخخخخخخخخ

< فاطستن ضحتس 765

رهيييييييبه المواقف بس خزيااااااااااه تفشل هع هع هع

يعطيك العافية يالغلا ولي عودة عاد انا ياكثر مااكلت من هالمواقف

يسلموو لاعدمنا جديدك ياقلبي:)

ههههههههههههههههههههههههه ووربي ميت من الضحك على مواقفك اللي تفطس ضحك

خصوصا يوم وطيتي على رجل الرجال مسكينه اللي يعينك على المواقف المحرجه

لي بااك بسدح لكم كم موقف

alooshah كتب:: خخخخخخخخخخخخخخخخخخخخخ

< فاطستن ضحتس
دوم يالغلا هالضحكه
رهيييييييبه المواقف بس خزيااااااااااه تفشل هع هع هع
والله انتي اللي رهيبه اي والله تفشل
يعطيك العافية يالغلا ولي عودة عاد انا ياكثر مااكلت من هالمواقف
الله مير يعافيتس,هلا فيتس يالغلا اي وقت حياتس, كلنا في الهواء سواء
يسلموو لاعدمنا جديدك ياقلبي:)

بااااااااااااك هع هع

بسدح لكم هالموقف

قبل العيد بيوم..رحت انا وامي السوق..وكان السوق زحممممممة ..تقول حج.. ..المهم دخلنا محل شنط نسائية وشرينا يوم فتحت البوك ما لقيت فلوس خخخخخ..قلت لأمي بروح اسحب من الصراف قالت طيب..
وكنا رايحين سوق الدمام اللي هو على قولة الناس سوق الحب..يعني يطل على شارع..المهم..من زحمة الناس الناس تدفك وتمشيك مب انت خخخخخ..وانا متجهة للصراف الا اشوف واحد على الرصيف واقف ينتظر خويه يجي من الشارع الثاني..المهم..يوم قربت من الرجّال الا تجي ذيك المصرية الدببببة..وتدفني على الرجّال..خخخخخخخخخخخخخخخخ..يلعن ابو الفشيلة..والرجّال مسكين طاح عقاله وحالته حاله..وعقاله طاح عند رجولي..خخخخ..وهو محتاس يدوره وين عقالي وين عقالي..وانا ميتة من الخوف..لأني بروحي..قلت والله آسفة مب انا هاذي الدبة المصرية خخخخخخ..ومشيت عنه..حتى من الخوف والفشيلة عديت الصراف ورجعت له ..خخخخخخخخخخ..جيت بدخل البطاقة ما تدخل من كثر ما انا ارجف من الفشيلة ..