لاتجـرح احساسي على كرسي الاعتراف ...

بختصر وعلى طول بدخل تراه سؤالين بس
1-اسمك الكامل والعائله معها لا تنسى اهم شي ا؟؟
لا فيديتك قولي انتي اول اسمك الكامل بعدين افكر اقول ويمكن ما اقول
اسمي بندر وبس هع
2-في قريب لك في المنتدى ومين؟؟
ـــــــــــــــــــــــ مشفر
وانتي ايش دخلك هع
فقط ...........
أتمنى مايكون زعجك هذا السؤلين


يسلمو على الاسئله روووعه مثلك

هلا والله
هلا بك زوود
وش اخبارك ان شاء الله انك مرتاح لان اسئلتي يبيلها واحد مروق ع الآخرا
اكيد مرتاح وعال العال ومرووق على الاخير

بأخليك تكره شي اسمه سؤال أو كرسي اعتراف
اذا الاسئله منك بالعكس بحب كرسي الاعتراف زود
بسم الله ابدأ
تفضلي


ليه ماتقول اسم عائلتك وش خايف منه؟
ليش ناوين تخطوبوني خخخخخ
المساله مو مسالة خوف وش اخاف منه بالعكس انا يمكن اكثر واحد يفتخر بقبيلته بس احنا مسجلين في منتدى وجاين ننبسط ماله داعي هالقبايل والتحيز يدخل بينا وبالتالي راح يكون فيه تعصب قبلي وبعدين انا مو جاي اسجل او اقدم على وظيفه عشان احد يسالني عن قبيلتي

ماهي صفات الشاب المثالي في نظرك؟؟؟
يكون محترم طموح يحترم الاخريين مايقلد البنات في لبسه وشكله
ثلاث كلمات تصف فيها نفسك ؟؟؟
طيوب وسيم حيل هع عصبي لدرجة الخموول يعني اذا شفتيني معصب ابعدي عني يمكن اتهور واذبحك خخخخخخخخ امزح وانا اقدر
من من أهلك قريب لك لدرجة انك تقول له كل أسرارك؟؟؟
!!!!!!!!!!!!!
هل انت من فئة المدخنين ؟؟؟بصراحه جاوب عليه ..
لا والله وعمري ماجربته
أحرج موقف مر عليك؟؟؟
يوم دقت علي ورد عليها خويي تمنيت الارض تنشق وتبلعني
أحسن عضو بالمنتدى في ؟؟؟
كلكم بصراحه بس اكثر شي مس ماريا وانتي وتعب قلبي ولايهنون الباقين على عيني وراسي وايوه نسيت علوشه هع
وش الشي الي إذا ذكرته تبكي ؟؟؟ :(
يوم رحت مباراة الهلال وانا مع وجهي على بالي مهم بروح اصور مع ياسر الا يجيك ذاك الشرطي ويمسكني من كتوفي ويقولي هي يالحبيب على وين قلت بصور مع ياسر قال اقولك ورني عرض كتافك آآخ قلت هذا حلم حياتي قال اقولك رح بالطيب ليجيك شي ماشفته من ذاك اليوم وانا اتوعد فيه >> مسوي قوي اتوعد في شرطي
ذكرى حلوه صعب تنساها ؟؟؟
يوم دقت علي بالجووووووال !وسمعت صوتها
أغلى هديه استلمتها؟؟؟ومن مين؟؟؟
اممم سااعه وغاليه علي بالمره ولها كم سنه عندي ومحتفظ فيها ومن وين ماراح اقول سر
ليش اخترت اسم لاتجرح احساسي؟؟؟
عشان وحده كثير تجرحني ودايم اقول لها لاتجرحين احساسي انا انسان حساس خخخ اروح وطي مع الحساسين
لا والله هي كثير تجرحني وبس دايم ازعل عليها واقول لها هالكلمه
هل انت من محبي الشعر ومن هو الشاعر الي تحب تسمع له؟؟؟
اووه كثير اموت في الشعر واحب حامد زيد وسعد علوش وكثير بس هذولا اكثر شي


وش رايك بالكرسي مريح ولا لا
يسلم عليك ومريح جدااا

ومشكووره يابعدي على الاسئله الرووعه بس حرام عليك تعبت كثيره اسئلتك

اكيد بيتنااااااااااااااا
اذلف ياشيخ لاتصير واثق
جواب بكلمه :
لا حلفت عليك بكلمتين
ما هي اصعب كلمه ممكن ان تقولها لاي شخص ..؟؟
احبك
ما هو شعوركــ لما تواجه شخصــ ما يفهمكــ ..؟؟
اسطره كف >> ماعنده وقت
بندر ... اكثر شي يخليكــ تتطرطع << تعصبــ ..؟
انت هع والمجمعات اللي تقول ممنوع دخول الشباب
كلمة هزتـ وجداانكـــ ..؟؟ ومن قالها ..؟؟
احبك ومن مين >> مالك دخل
احب الناس لك بعد والديكــ ..؟؟
اهلي
اقول بو بندر وشو ابيخ سوال جاااك من يوم جلست على كرسي الاعترااف ..؟
<< هذا السوال ابيكـ تجاوبه بصراحه ..؟
بصراحه كل اسئلتك ومن اللي دقت عليك عفت نفسي يوم علمتكم
اقول بندرما ودك تسطر عضوو....؟؟
انت
طيب ما ودكـ ترفس عضو ...؟؟
انت
ومن العضو اللي تبي تبووسه ...؟
كل الاعضاء الا انت ياخي ما احبك
بندر اتمنى من اعماق قلبي ان تكون مرتاح جدا على الكرسي بس توني ماخلصت تراني غاسل وجهي بمرق ما استحي
توك تدري انك غاسل وجهك بمرق منذو مبطي وانا اخوك الحلو انت ماتستحي الله يعيني
نرجع لمحور حديثنا >> ترى مايطالع تلفزيون
ايه مره
هل انت تحب ؟ >> لاتقول امي حركات قديمه
واللي انت تحبها هي تحبك

امي وهي بعد تحبني >> مايستهبل ابدا
مره طحت قدام ناس بمكان عام مثل مجمع / الـــــ ؟ ووش كان شعورك ؟ اعترف لاتقول عادي وربي يا بندر اذا ماقلت الحقيقه لفضحك ؟
لا تكفى حبيب قلبي راكان لاتقول وش صار تكفى طلبتك وتكفى تهز رجال
وش رايك باغنيه يالتاكسي ؟؟ سوال جاي عرض >لاطول

بصراحه كل اسئلتك جايه بالعرض والطول
وبالنسبه للاغنيه حلوه وماشيه مع الموضه >> على باله تيشرت
بس حبيب قلبي كم سوال خفيف على الطاير قبل ما اطلع ببرد حرتي فيك
كل هذا ومابردت حرتك
الاسم >>>>>> بندر
العمر >>>>>> 19 العمر كله يااااااااااااااارب وياربي تحفضني
ترتيبك في العائله >>>>> الثاني
المستوى التعليمي >>>>>> ادرس في جامعة الملك سعود تخصص حاسب
السكن >>>>>>> الرياض وبالتحديد في البديعه >> مدري تعرفونها ولالا
الحاله الاجتماعيه >>>>>>> متزوج بس بالسر >> امزح عشان ابوي يذبحني
وكم عدد الاولاد>>>>>> عشره والمراه حامل ادعو لها تقوم بالسلامه

موقف دايما تضحك عليه ؟؟
المواقف كثيره لاكن بذكر لك موقف

هذا يوم كان عمري 18 في عز المراهقه

وكنت احب امر على السوق يومياً

يوم من الأيام انا ومعي واحد من ربعي

قال وش رايك نكشخ وننزل السوق اشوي نتسوق

قلت له يالله قداااااااااااااااااام

وكشخنا ورحنا السوق وجلسنا نتمشى

وحنا نتمشى قلت له خلنا ندخل لايف ستار للعطور الي بالزاويه

قال وش عندك قلت له نشتري عطر

المهم دخلنا وجلسنا نرشرش بها العطورات

الا اناظر بجني الا فيه ثلاث بنات يناظرون فينا

قل خويي بس ياولد هذي صيدتنا

المهم وحده منهم اشرت على الرقم ورحنا وكتبنا الرقم لها

وقام خويي وعطاها الرقم بيدها

وطلعنا من لايف ستار

وركبنا السياره فرحانين ان حنا رقمنا

ورحنا وجلسنا عند بيت خويي هذا المتين ههههههههههههه

مع السوالف وحنا واقفين

اشوي الا سياره وقفت بجبنا وانزلو حريم منها

واقبلو علينا قالت وحده مالت عليكم وعلى وجيهكم

وهات بالكلام ماتستحون على وجيهكم

رايحن السوق وتغازلون ومن ها الكلام

واول ما خويي قال :

مارحنا السوق

قالت له تفففففففففففف عليك تكذب بعد

خذ هذا رقم بيتنا يا غبي

ههههههههههههههههههههههههههههههههههههههه
ههههههههههههههههههههههه
ههههههههههههههه
ههههههه
هه

طلعووو امه وخواته الغبي وكلهم متزوجات بعد

هههههههههههههههههههههههههههههههههههه
هههههههههههههههههههههه
هههههههههههههه
هههه

والله غبي ماتعرف اهلك يا غبي

جلست اضحك شهر على ها السالفه

هذا الموقف الي اذا تذكرته ضحكت



بس نكتفي بهالكميه ولي باك يا ابو الشباب ادري بتقول وش هالنشبه بس ميخالف تحملني
لا تكفى مانبي بااك يرحم ابووك
بندر تكفى وانا اخوك لاتدعي علي بس مجرد اسئله طالعه من كل اعماق قلبي
لا خذ راحتك وانا اخوك
واسف على الاطاله اعزائي الاعضاء واسف بعد على خربطة الاسئله بس انا كذا اول ما اشغل موخي تجي كل الاسئله تتجمع مع بعض واذا رتبتها طارت فقلت بيني وبين نفسي خلها تجي طبيعيه> ياحبي لنفسي ما اكذب وهـ بس فديتني لايكثر بندر جاوب
ابشر طال عمرك ماطلبت شي

وقبل الختام اقول راكان حسبي الله عليك بيجي يوم واوريك فيه