قالو تعلمت قلت عناد وفراسه *** أجاهد النفس والدنيا وأصارعها

صباح الخير للي يقرأ القصيده في الصباح
ومساء الخير للي يقرأ القصيده في المساء
أخباركم وعلومكم
إن شاء الله بخير
أنا مره سمعت أبوي يقصد قصيده الصراحه عجبتني لا لحنها ولا كلماتها فكتبتها لكم من لسان الوالد
والقصيده للشاعر الكبير // رشيد الزلامي العتيبي
قالو تعلمت قلت عناد وفراسه
أجاهد النفس والدنيا وأصارعها
ودرست في مدرسة من شيبت راسه
دنيا العنا للي قضيفات مطامعها
وتلميذها دايم تكتب بقرطاسه
تعطيه جملة دروس مايضيعها
والله عطانا نظر وشعور حساسه
ناخذ علوم المعرفة من مراجعها
ونساير الوقت ونقيسه بمقياسه
ونواجه النفس بالواقع ونقنعها
وترى حياة الفتى مهما قوى باسه
محفوفة بالخطر والموت تابعها
من مبتدى العمر حتى يلفظ أنفاسه
يمر في مرحله تكثر زوابعها
أول حياة الفتى مشوار وعساسه
مسافة في عجاج العمر يقطعها
وثاني حياة الفتى تدريب ودراسه
تصعب ظروف الحياة وينشغل معها
وثالث حياة الفتى يرجع على ساسه
النقطه اللي بدا منها يراجعها
ياصل لسن الهرم ويضيع الطاسه
ويزحف مع الأرض ويخطط شوارعها
ولياتلاقت متونه وارتخى راسه
ضاعت جميع العلوم اللي مجمعها
أتمنى أنها تكون عجبتكم
بانتظار ردودكم الحلوهـ

تسلمين قموره ع القصيده
لاهنت