موضوع: ||[ يانهآر مش معدي :: ]|| الأربعاء أكتوبر 22, 2008 2:09 am
السلام عليكم
تصدقون .. أني من الساعه 2 وانا أحاول أكتب موضوع هنا بس مانيب قآدر مدري ليش ؟ آحس برستيجي مكلبشني <
نمت الساعه 7 الصبآح وصحيت الساعه 1 الظهر .. وانا شبعان نوم .. مدري وش عندي هالأيام أنام 5 او 6 ساعات و أقوم .. على غير العاده الي أصفق فيها 12 او 14 ساعه نوم
ماعلينا من هالحكي .. صحيت من النوم .. ورحت أقرب مطعم أتغدأ فيه و بعد ماتغديت .. ورجعت الببسي .. وخذيت كوكآ قزآز < طيب وش دخلهم هم
طالعت برآ المطعم .. وأشوف عجيّز .. ومعها بنيتهآ .. ورحمتهم بـ ذآ الشمس يسترزقون الله < ياحنييييييييين و أفتح البوك .. وأطالع وأشوف فيها .. 200 ريال ورقة وحده .. و فيه عشرآت .. وفيه ريالات المهم رجعت البوك .. يوم قربت بطلع .. و أفتح بوكي وأمد يدي فيه .. و آحطه بالكيس و بدون ما أناظر أبد
و شغلت السيآرة وتوكلت .. رحت البقآله الي عند الشقه العزيزه بشتري الريآضيه < أيه الهلال فآيز < لو انه منهزم ماشريتها
و أدخل البقآلة .. وأفتح البوك .. و أطالع وأدور الـ 200 وأقلب البوك و أطالع الأرض .. أقول يمكن طآحت
وما حصلت شي و على طول مديت برطمي ووقفت بزآوية البقآلة .. وآحط يدي على الجدآر .. وآحط يدي على رآسي .. وأعييييييييييييييييييييييييييييييييييييييط
و أطلع من البقآله .. وآسحب على الجريدة وبرجع لـ الي كآن تستزرق لـ أني متأكد اني معطيها الـ 200 بالغلط .. ومافيه أشاره الا قطعتها .. ومافيه هندي الا خليته ينقز الرصيف ومافيه سعودي الا عطآني كم سبه .. ومافيه شآيب الا عطآني كم دعوه
و أول ما وصلت .. وأدورها وما عينّت الا محلها وأجلس أبكي محلها
وشوي ويجيني وآحد .. ويحط بحضني ريآلين وأطالع فيه وقلت طيب .. ورآه ماتخطي وتعطيني 200 ؟ قال : عطني الريالين عشان أعطيك ميتين وانا أنبسط .. وأعطيه الـ ريالين .. يوم عطيته صفقني ركبه على خشمي ومشآ
ويقول هلا هلا .. شحآدين آخر زمن وبس .. ورآحت علي
و أتوقع هي من يوم بدت تسترزق .. ومن يوم بدت تدور عيشتها عند هالمطآعم ماقد جآها أحد وعطاها 200
مآيستفآد من الموضوع : اني طفرت .. وماعاد عندي الا كم عشره هاه .. أسدح الحسآب ؟
قفله : وما نقص مآل من صدقه
M!ss Helaleah مشرفه
عدد الرسائل : 795 العمر : 32 البلد : KSA الوظيفه : طالبه مزاجي : sms :